Peyğəmbərimiz (s) vəfatını səhabələrə xəbər vermişdi
Peyğəmbərimiz hz.Muhəmmədin (s) qeyblə bağlı verdiyi xəbərlərin hər biri zaman ötdükcə gerçəyə çevrilmiş və öz təsdiqini tapmışdır. Həqiqətə çevrilən hər qeyb xəbəri bu mübarək insanın bir möcüzəsidir. Bu xəbərlərdən biri də Peyğəmbərimizin (s) öz vəfatını xəbər verməsidir. Peyğəmbərimiz (s) hədislərində səhabələr arasından əvvəlcə özünün vəfat edəcəyini xəbər vermişdir.
Allah Rəsulu (s) bizə baxıb belə dedi:
"Ən axırda mənim öləcəyimi iddia edirsiniz. Diqqət edin! Mən
hamınızdan əvvəl öləcəyəm. Siz məndən sonra öləcəksiniz. Həm
də bir-birinizi öldürərək camaatlar halında məni
izləyəcəksiniz".
Peyğəmbərimiz (s) bir gün birinə ölüyə dua edirmiş kimi dua
etdi. Sonra dönüb minbərə çıxdı və belə buyurdu:
- "Şübhəsiz -axirətə- sizdən əvvəl gedəcəyəm. Mən sizə
şahidlik edəcəyəm. Vallahi, hazırda hovuzumu sanki görürəm.
Yer üzünün bütün açarları mənə verildi. Vallahi, məndən
sonra yolunuzu azıb şirkə düşməyinizdən qorxmuram -çünki
azmazsınız! Amma -dünya malı üçün- bir-birinizlə
yarışmağınızdan qorxuram!"
Peyğəmbərimiz (s) başqa hədislərində ona vəfat edəcəyinin
vəhy olunduğunu bildirmişdir:
"Allah Rəsulu (s) gecə vaxtı məni oyadıb belə buyurdu: "Ey
Əbi Müveyhibə! Baqi əhli üçün Allahdan bağışlanmalarını
istəmək əmri aldım". Bundan sonra onunla birlikdə çıxdım.
Baqi qəbristanlığına getdik. Orada əllərini qaldırıb qəbir
əhlinin bağışlanmasını istədi. Sonra belə buyurdu: "Sizin
yaşadıqlarınız sonrakılarla müqayisədə çox yüngüldür.
Fitnələr onlara qaranlıq gecənin hissələri kimi gələcək.
Axırı əvvəlindən daha pis olacaq. Ey Əbu Müveyhibə, mənə yer
üzünün xəzinələri və orada əbədi qalmaq imkanı verildi.
Sonra da cənnət verildi. Bunlarla Allaha qovuşmaq arasında
seçim etmək üçün sərbəst buraxıldım. Mən də Allaha qovuşmağı
üstün tutdum". Sonra oradan ayrıldı".
Peyğəmbərimiz (s) özünün vəfatı ilə bağlı bir çox səhih və
müfəssəl xəbərlər verib. Bu hədislərin hər birinin
Peyğəmbərimizin (s) söylədiyi şəkildə də həyata keçməsi
Allahın böyük bir möcüzəsidir. Bu vəziyyət möminlərin də
imanını dəfələrlə artırmış, Allahın izni ilə onların imanda
daha da zənginləşib dərinləşməsinə səbəb olmuşdur.
Hədislərdə Peyğəmbərimiz (s) hansı gün vəfat edəcəyini də
xəbər vermişdir:
"...Mən bazar ertəsi günü anadan oldum. Vəhy bazar ertəsi
günü gəldi. Bazar ertəsi günü hicrət etdim və eyni gündə də
öləcəyəm".
İbni Hənbəl və Beyhaqi İbni Abbasdan nəql edərək belə
söyləmişdir:
"Peyğəmbərimiz (s) bazar ertəsi günü anadan oldu. Bazar
ertəsi günü peyğəmbər oldu. Məkkədən mühacir kimi bazar
ertəsi günü çıxdı.
Mədinəyə bazar ertəsi günü daxil oldu, Məkkə bazar
ertəsi günü fəth edildi və bazar ertəsi günü vəfat etdi".
Peyğəmbərimiz (s) bəzi hədislərində də vəfat edəcəyi yeri
bildirib:
"Hicrət edəcəyim yer -öldüyüm zaman basdırılıb- yatacağım
yer Mədinədir".
"Mədinə hicrət edəcəyim yerdir. Orada öləcəyəm və orada
diriləcəyəm".
Peyğəmbərimizin (s) bildirdiklərinin olduğu kimi də
gerçəkləşməsi Allahın böyük bir möcüzəsidir.