Peyğəmbərimizin (s) verdiyi başqa qeyb xəbərləri
Misirin fəth edilməsi
"Siz Misiri fəth edəcəksiniz. Ora (pula) "kirat" deyilən
yerdir. Həmin yerin xalqına xeyir tövsiyə edin. Onların bir
zimmilik, bir də rəhim haqqı var".
Peyğəmbərimiz (s) bu hədislərində Misirin fəth ediləcəyini
müjdələyir. Allah Rəsulu (s) bu müjdəni verəndə Misir
romalıların hakimiyyəti altında idi. Heç müsəlmanların da
çox böyük gücləri yox idi. Ancaq Peyğəmbərimizin (s) bu
sözləri öz təsdiqini tapdı. Onun vəfatından bir müddət sonra,
Hz.Ömərin (r.a.) xəlifəliyi dövründə, 641-ci ildə Amr ibn
Asın rəhbərliyi altında hərəkət edən müsəlman ordusu Misiri
fəth etdi. Bu hadisə
Peyğəmbərimizin (s) söylədiyi və deyildiyi şəkildə də baş
verən qeyb xəbərlərindən biridir.
Roma və İran torpaqlarının fəthi
"Kisranın ölümündən sonra başqa Kisra olmayacaq. Qeysər də
öləndən sonra başqa Qeysər yoxdur. Nəfsim əlində olan Allaha
and olsun ki, siz hər ikisinin də xəzinələrini Allah yolunda
xərcləyəcəksiniz".
Hədisdə qeyd edilən "kisra" sözü keçmişdə İran hökmdarları
üçün işlədilən bir isimdir. Qeysər sifətindən isə Roma
imperatorları üçün istifadə edilirdi. Peyğəmbərimiz (s)
hədislərində hər iki hökmdarın malik olduğu xəzinənin
müsəlmanlara qalacağını müjdələyib.
Burada diqqəti cəlb etməli olan məsələ Peyğəmbərimizin (s)
bu xəbəri müjdələdiyi dövrdə müsəlmanların hərbi, iqtisadi
və siyasi cəhətdən bu cür böyük bir fəthi həyata keçirməyə
hələ güclərinin olmaması idi. Həm də bu dövrdə İran və
Bizans imperatorluqları da ən güclü dövlətlər idi.
Buna görə Peyğəmbərimiz (s)
bu iki fəthi xəbər verəndə siyasi və hərbi imkanlar buna
uyğun səviyyədə deyildi. Ancaq Peyğəmbərimizin (s) xəbər
verdiyi bu hadisələr deyilən şəkildə və tam dəqiqliyi ilə
baş verdi. Hz.Ömərin dövründə İran fəth edildi və bu fəthlə
də Kisraların səltənəti tarix səhnəsindən silindi.
Qeysərin ölümü və onun xəzinələrinin müsəlmanlara qalması
isə müsəlmanların Rəşidi xəlifələr dövründə Roma
imperatorluğuna məxsus strateji mərkəzləri fəth etmələri ilə
başlayıb. Hz.Əbu Bəkirin dövründən başlayaraq Qeysərin
hakimiyyəti altında olan Iordaniya, Fələstin, Şam, Qüds,
Suriya, Misir kimi mühüm mərkəzlərin hər biri fəth edilmişdi.
İstanbulun 1453-cü ildə Osmanlı hökmdarı Fateh Sultan Mehmet
tərəfindən fəth edilməsi və Roma imperatorluğunun dağılması
ilə birlikdə Qeysər adı da tarixə qovuşdı. Beləliklə,
Peyğəmbərimizin (s) dövründə siyasi və iqtisadi cəhətdən
imkan xaricində görünən bu mühüm fəthlər Allahın
Hz.Muhəmmədə (s) bəxş etdiyi bir möcüzə olaraq baş vermişdir.